La rezultoj de la klimata kalkulilo priskribas la areojn de via konsumo kaj vivstilo kie viaj ellasoj de Forcejaj Gasoj (GHG) estas la plej altaj, kaj do kie viaj klopodoj verŝajne havos la plej grandan kvantan efikon.
Inter viaj areoj de konsumo kaj vivstilo, tiuj kie ŝanĝo al pli da media daŭripovo kaj socia justeco estas la plej facila estas tiuj por kiuj (1) vi prenas la decidojn, (2) sen neceso kunordigi kun aliaj, nek atendi politikajn decidojn. Ĝenerale ĉi tiuj areoj de konsumo kaj vivstilo estas la sekvaj, en malkreskanta ordo de malfacileco (plej facila unue):
- manĝaĵo;
- vesto;
- aviadilaj vojaĝoj por ferio.
Ĉiukaze necesas pliaj kompetentecoj por sukcese okupiĝi pri alternativa konsuma aŭ vivstila modelo. Vi trovos en ĉi tiu retejo elekton de retaj kursoj por ke vi akiru kelkajn el ili, proponitajn de la CosmoPolitika Kooperativo kaj per kvalifikitaj eksteraj fontoj.
Aliaj areoj de konsumo aŭ vivstilo estas pli malfacile ŝanĝeblaj, ĉar ili dependas de la havebleco de infrastrukturo, aŭ de publikaj politikoj. Ĉi tiuj areoj de konsumo estas:
- loka transporto, inkluzive de ĉiutaga navedado (depende de la ekzistanta transporta infrastrukturo kaj urboplanado);
- daŭraj varoj krom vestaĵoj, ekz. aparatoj, konsumelektroniko (depende de la ekzistanta liverado de daŭraj varoj kaj de fidindaj informoj pri ilia daŭripovo);
- consumeblaj industriaj varoj, ekz. detergentoj, higienaj produktoj (idem.);
- loĝejo (depende de la daŭripovo de la disponebla provizo de loĝado, de peza investo se vi estas la posedanto de via hejmo, kaj de la loko de la laborejo de la membroj de via domanaro);
- ĉiutaga libertempo (depende de la ekzistanta kultura kaj libertempa infrastrukturo).